လူတိုင်း လူတိုင်း လှပသော နှလုံးသားများ ရှိကြပါစေ

My photo
ကမ္ဘာပေါ်မှာရှိသော လူတိုင်းလူတိုင်း မွန်မြတ်သော စိတ်ထားများ ထားနိုင်ကြပါစေ ဖြူစင်သော နှလုံးသားများ ရှိကြပါစေ

Sunday, July 8, 2018

အလွမ်းရဲ့ တန်ဖိုး



ဗျို့ ! ! ! ဆိုင်ရှင်တို့ ………

အချစ်တွေ မိတ္တူကူးချင်လို့ဗျ ...
ဆောရီး ညီလေးရေ
လူတွေက အချစ်အတုတွေ မိတ္တူကူးကြလွန်းလို့
မိတ္တူစက် ပျက်သွားပြီ ……

( သြော် …… ဟုတ် .… ဟုတ်ကဲ့ ခင်ဗျ )

ဗျို့ ! ! ! ဆိုင်ရှင်တို့  ………

သစ္စာတွေ အရောင်တင်ချင်လို့ ဗျ .
ဟာာ …. ညီလေးရာ
သစ္စာ ဆိုတာ ဒီခေတ်မှာ ဘယ်သူမှ
မသုံးကြတော့ဘူး ကွ
အရောင်တင်မနေနဲ့ ခေတ်ကုန်သွားပြီ ………

( သြော် …… ဟုတ် …… ဟုတ်ကဲ့ခင်ဗျ  )

ဗျို့ ! ! ! ! အစ်မကြီး

မေတ္တာလေး နည်းနည်းလောက် ပေးပါလားဗျာ ……
ဘာ …… ဘာပြောတယ် ……
မေတ္တာဆိုတာ ငွေ နဲ့ ဝယ်ရတယ် ဟဲ့ 
နားလည်လား နလပိန်းတုံးရဲ့ ……

( သြော် …… ဟုတ် …… ဟုတ်ကဲ့ခင်ဗျ )

ဗျို့ ! ! ! !   ဦးလေးကြီး ………
ကျွန်တော့်ရဲ့ အကြင်နာတွေ
ခဏလောက် ပေါင် ထားချင်လို့ပါဗျာ ……
အလိုလေးး ငါတူရာ ……
အကြင်နာဆိုတာ အလိမ်အညာလောက်
အသုံးမဝင်ဘူးကွ
နောက်တစ်နေရာ သွားပါကွာ……

(သြော် …… ဟုတ်…… ဟုတ်ကဲ့ ခင်ဗျ  )

ဗျို့ ! ! ! ! ဆိုင်ရှင်တို့

ကျွန်တော့်ကို အရက်လေး တစ်လုံးလောက်
ရောင်းပါဗျာ
အလွမ်းတွေ စိမ်ထားချင်လို့
လာ … လာ … ညီလေး ကိုယ့်နောက်လိုက်ခဲ့
ဆိုင်နောက်မှာ မင်းလ်ိုလူတွေ အများကြီးပဲ

သြ……သြ……  သဘောပေါက်ပြီ ……
လက်စသတ်တော့ တန်ဖိုးကြီး အလွမ်းဆိုတာ
ယမကာနဲ့ စပ်မှ အရောင်ပိုတောက်လာတာကိုးးးးး……

         လူကလေး
        8.7.2018

Sunday, July 1, 2018

သတ္တမမြောက် သုဒ္ဓကိန်းတစ်လုံး

“”သတ္တမမြောက် သုဒ္ဓကိန်းတစ်လုံး “”


ခန္တာကိုယ်မှာ အရှက်လုံရုံ

အဝတ်တစ်စုံ ဖုံးထားတယ်


ကိုယ့်အသက်အတွက်

လက်တစ်ဖက်မှာ သေနတ်တစ်လက်….


ကျောထက်မှာ

အိုးစားဖက်တွေ အတွက်

အသက်ရှင်ရေး မျှော်လင့်ချက်တွေ


စုပြုံထမ်းပိုး ပြီး

ခြေတစ်လှမ်း လှမ်းလိုက်တယ်


ပင်လယ်ရေမျက်နှာပြင်အထက်

ပေပေါင်းများစွာ…….


ဘယ်နေ့က ဆောင်းကုန်ပြီး

ဘယ်လက နွေပေါက်ခဲ့သလဲ



မြေခင်းတစ်ထည်နဲ့

ရှာကြံထားရတဲ့ အနွေးဓာတ်ဟာ

နေထွက်သည့်တိုင်

ခိုက်ခိုက်တုန်ဆဲ အအေးဓာတ်ကို

မကျော်လွှားနိုင်ခဲ့……


မိုးရွာချိန်မှာ မြေခင်းဟာ မိုးကာဖြစ်ပြီး

ညအိပ်ချိန်မှာ မြေခင်းဟာ အိပ်ရာဖြစ်သတဲ့

မိုးရွာတဲ့ ညတွေမှာ မြေခင်းဟာ……..


ကျောတစ်ခင်းစာ အိပ်ရာအတွက်

ကမ္ဗလာမြေကြီးကို ကျေးဇူးတင်မိသလို

တသွင်သွင်စီးဆင်းနေတဲ့ သောက်ရေ အတွက်

စိမ့်စမ်းလေးတွေကို ကျေးဇူးတင်မိပါရဲ့



ငှက်ပျောအူထမင်းနဲ့ ရေမုန့်ညင်း

အကြောပေါင်းတစ်ထောင် နဲ့ ငါးဥသီး

ဓားမခုတ်ရွက် နဲ့ ပဲပိစပ်

တွေ့သမျှဟာ.ရိက္ခာတဲ့





ဆီမပါပဲ မြက်ကို ရေလုံပြုတ်နိုင်သလို

အိုးမရှိချိန်မှာ ဦးထုပ်နဲ့

ထမင်းချက်နိုင်သတဲ့



ပုတ်သင်ကြော်ဟာ

ချိုပြီးစိမ့်မှန်း သိရပြီးနောက်ပိုင်းမှာ

ရိက္ခာစည်သွတ်ဘူးရတဲ့ရက်ဟာ

အာဂပါးစပ် လူဖြစ်ရကျိုးနပ်တဲ့ရက် ဖြစ်လာတယ်



ဟန်းကောထမင်းနဲ့ ငါးခြောက်ဟင်း

အာလူးမီးဖုတ်နဲ့ ဆားပြား

ပွတ်ချွန်းနဲ့ ရွှေဖီဦး



အလိုက်ဖက်ဆုံး.အတွဲအစပ်တွေကြားမှာ

တစ်နပ်စာ.အာဟာရဟာ

အူစိုရုံ လျှာပေါ်မြက်မပေါက်ရုံမှန်း

သဘောပိုက်လာနိုင်တယ်


ဖက်ကြမ်း စည်သွတ်.ဘီစကွတ်နဲ့

၈ယောက် ၁ ရက်စာ တိုက်ခိုက်ရေးရိက္ခာဟာ

၁ယောက်တည်း ၈ ရက်စားမလောက်နိုင်မှန်းသိလာသလို

ပိုက်ဆံဟာ အိမ်သာသုံးစက္ကူလိပ်လေးတွေထက်

တန်ဖိုးနိမ့်ကြောင်း သိလာတယ်…..



မြေပုံပေါ်မှာ ခြားထားတဲ့ မျဉ်းနက်လေးရှေ့က

မြေပြင်မှာ.ကတုတ်ကျင်းတွေ ဘန်ကာတွေ ရှိနေပြီး

လုံခြုံရေးတင်းကျပ်ပါတယ်ဆိုတဲ့ နိုင်ငံကြီးမှာ

ဗီဇာမလိုတဲ့ နောက်ဖေးပေါက်တွေ လှမ်းမြင်နေရတယ်


သူများဆီက

မြစ်တစ်စင်းလုံးတောင် အပိုင်သိမ်းချင်ပေမယ့်



ကိုယ့်မြေမှာ ကျည်ဆံလေးတစ်တောင့်

မဆိုသလောက်လေး ရောက်လာရင်တောင်

တိုက်လေယာဉ်တွေ ပျံပြတဲ့ အထိ

နိုင်ငံကို ချစ်ပြကြတယ်

သိပ်ချစ်စရာကောင်းတဲ့ အိမ်နီးချင်းတွေ…..


အနောက်တောင်အရပ်က လင်းယုန်ကြီးပြောတဲ့

လူ့အခွင့်အရေးနဲ့ လူသားချင်းစာနာမှုတွေ အရေခြုံပြီး



အရှေ့တိုင်းက နှုတ်ခမ်းမွှေးတကားကားနဲ့

နဂါးကြီးမှုတ်တဲ့ မီးလျှံတွေကြားမှာ



မီးမလောင်ပေမယ့်

တောကြောင်တွေ လတ်ခမောင်းခတ်ကြတာပ….


ဒီလိုနဲ့ပဲ အညတရတွေ

သူ့အသက် ကိုယ့်အသက်

လောင်းကြေးထပ်ကြရင်း



တစ်ခါတစ်ခါမှာ ကိုယ့်လက်တွေ သွေးစွန်းရတယ်



သွေးစွန်းနေတဲ့ လက်တွေနဲ့ပဲ

အသက်တွေ ပြန်ကယ်ရတယ်


သေနတ်ကိုင်ထားတဲ့ ဆရာဝန်ဟာ

ဂျနီဗာကွန်ဗင်းရှင်းမှာ.

အကြုံးမဝင်ပါတဲ့ …….



ရွှေပြည်တော်ဟာ.

မျှော်တိုင်းဝေးနေပေမယ့်



ခြေတစ်လှမ်းလှမ်းတိုင်းတော့

သချိုင်း ဟာ မမျှော်ပဲ နီးနီးလာတယ်



ပါးစပ်နဲ့ ရှင်းနေတဲ့ စကားဝိုင်းတွေအောက်မှာ

သေနတ်နဲ့ ရင်းခဲ့ရတဲ့ အသက်ပေါင်းများစွာ


ကိုယ့်မြေ ကိုယ့်ရေမှာ

ကိုယ်တွေက အလံဖြူထောင်ပြပေမယ့


တစ်ဖက်က အလံနီ ပြန်ထောင်ပြတာတော့ အခက်သား



ကိုယ့်နိုင်ငံ ကိုယ့်တောင်ကုန်းမှာ.

တစ်ပါးနိုင်ငံ အလံထောင်ပြီး

တစ်ပါးလူမျိုး အားကိုးနေသူကို

ပြည်ထောင်စုဖွား တိုင်းရင်းသားလို့

သတ်မှတ်ရလေမလား



လူသားချင်းစာနာမှုဟာ

စစ်သားတွေမှာပဲ မရှိသလိုလို…….



မြေပြင်မှာ ဖောက်ခွဲလိုက်တဲ့

လက်နက်ကြီးဗုံးဆံတစ်ခုဟာ

ဒေါ်လာပေါင်းများစွာတန်သတဲ့


သူ့ရင်ဘတ် ကိုယ့်ရင်ဘတ်

ဖောက်ထွက်သွားတဲ့ ကျည်ဆံဟာ



သွေးလူးနေတဲ့ စပါးစေ့ထက်တွေထက်

တန်ဖိုးကြီးသတဲ့



လေယာဉ်တစ်ခါပျံတဲ့ ဆီတစ်ဂါလံဟာ

ရိက္ခာပေါင်းမည်မျှနဲ့ ညီမျှသလဲ


မျက်လုံးကို စုံမှိတ်ကြည့်လိုက်တော့

မြင်နေရတာက

အရိုးပြိုင်းပြိုင်းထနေတဲ့ နိုင်ငံ့ပိုင်နက်


မျက်လုံးကို ဖွင့်ကြည့်မိတဲ့ မြင်ကွင်းက

အရိုးပါမြုပ်ပြီး ပိုင်နက်ကို ခြံစည်းရိုးခတ်နေရှာတဲ့

အစိမ်းရောင်မြေပုံလေးတွေ…..



လေတိုက်တိုင်း ဖွေးဖွေးလှုပ်သွားပုံက

စွန့်ရှာလေသူတို့ အရိုးတွေ ထထ တွန်သလိုလို



အတွေးတွေ မဆုံးခင်

ဝုန်းဒိုင်းကျဲသွားတဲ့ ဆူညံသံတွေ

လက်နက်ကြီး လက်နက်ငယ် ယမ်းခွဲသံတွေ

အသက်ငင်နေတဲ့ ဗုံးဆံတွေ ကျည်ဆံတွေ


မြေပြင်နဲ့ ဝေဟင်မှာ

တော်လဲသံတွေ အလား

မိုးချိန်းသံတွေ အလား



ကမ္ဘာမီးလောင်တာ မမြင်ဖူးပေမယ့်

ချနင်းခံရတဲ့ သားကောင်တွေကတော့

မျက်စိရှေ့မှာ အလဲလဲ အပြိုပြို



ကြောက်ရွှံ့ခြင်း စိုးထိတ်ခြင်းနဲ့

ရှင်သန်လိုခြင်းတွေ သိစိတ်မှာ

အားပြိုင်နေဆဲမှာပဲ



မသိစိတ်မှာ တွယ်ငြိနေတဲ့ အတ္တတွေကြောင့်

ကိုင်ထားတဲ့ သေနတ်မှာ ယမ်းခိုးတွေဝေသွားရတယ်



ကိုယ့်အသက် ကာကွယ်ဖို့

သူ့အသက်ကို စတေးပစ်မိတာ



ဟန်မူရာဘီရဲ့ ကိုဓ ဥပဒေထက်

ပိုပြီး ရင့်သီးသွားလေမလား



ကျိန်ဆိုထားမိတဲ့ သစ္စာတွေ အတွက်

ဟစ်ပိုကရေတီးကို ရှက်ရွှံ့မိလေရဲ့



နာရီပေါင်းများစွာ ဖြုန်းတီးလို့အပြီးမှာ

ဟိုးအဝေးဆီက ကျားထိုးသံကြားရတယ်



အောင်နိုင်သူတွေရဲဝံ့ပြီး

သုံးရောင်ခြယ် အလံကို မြေမှာ စိုက်ချိန်မှာ



သေအံ့မူးမူး မျက်လုံးတွေကတော့

အမြင့်မြတ်ဆုံးသောဂုဏ်ဆိုတာကြီးနဲ့

ဝံ့ကြွားနေမလားပဲ


ပြောင်းပူနေတဲ့ သေနတ်ကို မြေမှာ အသာချ



ဘေးလွယ်အိတ်ထဲက မြေခင်းကို ဖြန့်ခင်း



ကျောပိုးအိတ်ထဲက ဆေးဝါးတွေ ထုတ်ပြီး

ခနော်ခနဲ့ ဆေးခန်းလေး ဖွင့်လှစ်လိုက်တယ်


သိပ်မကြာခင် မိနစ်ပိုင်းလေးကမှ

ကြမ်းခဲ့ ရမ်းခဲ့ သမျှ စစ်သားကြီးတွေဟာ



ခုချိန်မှာ မိခင်ရင်ခွင်တွင်းက

ပီဘိ ကလေးငယ်လေးတွေလိုလို



ဆေးဝါးမလုံလောက်မှုတွေ

ပစ္စည်းကိရိယာ မစုံလင်မှုတွေ

ပြီးပြည့်စုံတဲ့ ကုသမှု မခံစားရမှုတွေ

သူတို့ မသိ



ရသမျှ အချိန် ရှိသမျှ ဆေးဝါးနဲ့

သေမင်းနဲ့ တကျော့ပြန် စစ်ခင်းပေးနေရှာတဲ့

ဆရာဝန်ချာတိတ်လေးကိုသာ

သူတို့ခဗျာ ကျေးဇူးတင်လို့ မဆုံး

အားနာလို့ မဆုံး


နောက်တစ်နေ့အတွက်

မြေပုံညွှန်းတွေ စုဖွဲ့မှုတွေ

လူနာအခြေအနေတွေ

အရာရာဟာ နေသားတကျဖြစ်သွားချိန်မှာ



ကျောပိုးအိတ်ထဲမှာ မိုးရေမစိုအောင်

မြေခင်းနဲ့ အထပ်ထပ်ပတ်ထားတဲ့

စာအုပ်လေးတွေ ပြန်ထုတ်မိတယ်



ကျိန်းစက်နေတဲ့ မျက်ဝန်းအစုံနဲ့ပဲ

အနာဂတ်ကို ဖတ်ရှုနေတုန်း

အကိုတစ်ယောက် စကားက နားထဲကြားယောင်လာတယ်



“‘စာမေးပွဲဆိုတာမျိုးက မျှော်လင့်ချက်မထားရင်တောင်

အားနာဖို့တော့ ထိုက်တန်တယ်မို့လား “တဲ့



ကောင်းကင်ကို မော့ကြည့်မိတော့

ထိန်ထိန်သာနေတဲ့ လမင်းကြီးဟာ

ကိုယ့်ရဲ့ အဝေး

မိုင် … ပေါင်း … များ … စွာ …



လက်ရုံး ( Thant Htin Wai )


“ ၁၉.၅.၂၀၁၇ရက်နေ့တွင်နိုင်ငံတော်အတွက် အသက်ပေးလှူခဲ့သော

(ဗိုလ် သန့်ထင်ဝေ….စစ်ကြောင်းဆေးမှူး/DSMA 17)

ကိုယ်တိုင်ရေးကဗျာတစ်ပုဒ်အား….ပြန်လည်ဖော်ပြ၍ ဂုဏ်ပြုပါသည်..´´

ချစ်ရပါသော မုဒြာ

မုဒြာရေ ………
နင်က လရောင် နမ်းမှ ပွင့်မယ့်ပန်း ဆိုတော့လဲ
ငါ့နုတ်ခမ်းမှာ နင် ဘယ်လန်းနိုင်ပါ့မလဲ ဟာ ……

တကယ်တော့ ငါက
သက်တံ့ရဲ့ အစွန်းတစ်ဖက်ကနေ
လက်ကမ်းနေမိသူပါ ………

မဖြစ်နိုင်မှန်းသိပေမယ့်
ရင်ကွဲပန်းကို မှ စွဲလန်းမိသူပါ ……

သိပ်ချစ်တယ် မုဒြာ……
ဂရုဏာသက်တဲ့ နင့် မျက်ဝန်းမှာ
ငါ ရူးမတတ်ချစ်မိသွားတာပါ

ဆုံနိုင်ခွင့်မရှိတော့ပေမယ့်
လွမ်းဆွတ်တမ်းတခွင့်လေးတော့
ငါပိုင်ဆိုင်ပါသေးတယ် 

မုဒြာရေ………
နင်မရှိတော့မှ လှပခဲ့တဲ့ နီယွန်ညတွေ
အခုတော့ ညစ်ညမ်းနေပြီလေ ………… ။    ။

          လူကလေး
          10.6.2018

ခပ်ညံ့ညံ့ အသဲကွဲသမား

အရည်အသွေးမမှီတဲ့  စကားလုံးတွေနဲ့
ခပ်ညံ့ညံ့ကဗျာတစ်ပုဒ်ကို
ကျုပ်ရေးနေမိတယ် ။   
ပေစုတ်စုတ်ကဗျာတစ်ပုဒ်က
ခင်ဗျားအတွက် စွဲမက်စရာ မရှိပေမယ့် 
ကျုပ်ကအသဲတွေတော့ 
တစ်စစီ ကွဲထွက်ခဲ့တယ်  ။     ။

လူကလေး
24.6.2018 

မင်းသဘော

ငါ့နှလုံးသားကို အစိမ်းခွဲတမ်းကစားနေရတာ 
ကျေနပ်ရဲ့လား ……

ရော့…… လိုချင်ရင်ယူသွား
မင်းအတွက် အသွေးအသားနဲ့
အသက်မဲ့ ဦးနှောက် တစ်ခု …… 

ငါ့မျက်ရည် တစ်ချို့တစ်ဝက်
မင်းအတွက် ဆေးဖက်မဝင်ပါဘူး
ခြေဆေးပစ်လိုက် ……

ငါ့ ဝဲဘက်ရင်အုံက မျှော်လင့်ချက်တစ်ချို့ 
လှည့်ကြည့်မနေနဲ့
မင်းအတွက် အသုံးမဝင်ဘူး
ဆောင့်ကန်ပစ်လိုက် ဝေးဝေးကို ……

မင်း လျှောက်မယ့်လမ်း
ငါ့ အသဲတစ်ခြမ်းကို ခင်းပေးထားမယ်
နင်းလျှောက်ရင်း ဆားကြမ်းပက်ခဲ့လဲ
ငါကျေနပ်တယ် …………

ငါ့အတွက် တွေးမပူနဲ့
မင်းဘေးက လူကို ဂရုစိုက်
ငါက ခပ်မိုက်မိုက်ဘဝမှာ
နေသားကျပြီးသား …………

လူကလေး
24.6.2018 ( 7:23: PM )